Kystmuseet i Sogn og Fjordane har hovedbase i Florø med tre utstillingsbygg og stort uteområde med flott natur og gamle hus. Vi har aktivitetar for barn og vaksne både ute og inne. Langs museumsløypa finn du hyggelege rasteplassar der du kan ete niste, og i caféen vår har vi kaffe, kaker og kioskvarer. I sommarsesongen har vi geiter på beite og robåtar til utleige.

Utstillingane våre formidlar natur- og kulturhistorie frå kysten av Sogn og Fjordane. Her er ei stor båtsamling, gjenstandar frå bygd og by ved kysten, og ei utstilling om den moderne oljeverksemda. Blant dei lokale kulturminna finn ein klare spor etter kontakten med omverda, som kinesisk porselen, silkeputer og kakeboksar frå Quality Street.